Отворен ден со пријателите на Шара
Денеска бевме во посета на „Пријателите на Шара“ – неформална група на здруженија на граѓани од тетовскиот регион кои сакаат Шар Планина во иднина да ја видат како национален парк. Основачките здруженија на платформата се Македонско еколошко друштво од Скопје, Институтот за развој на заедницата од Тетово, планинарскиот клуб „Љуботен“ од Тетово и Центарот за едукација и развој од Теарце.
Во рамките на отворениот ден што се одржа денеска во Тетово организирана беше изложба на фотографии од наградниот конкурс за најубава фотографија од Шар Планина.
На настанот беше изложена и органска храна на производители од овој шарпланински регион – преставниците на Наша Добра Земја остварија контакти со производителите и веќе е најавена соработка со производителите и нивен пласман на производите во Скопје.
Прочитајте повеќе за иницијативата Шара да стане Национален Парк тука.
И ве поздравува од Добра Земја: марула, блитва, млад лук, млад кромид и неговото височество – СПАНАЌ 😉
